Trashëgimia kulturore

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Trashëgimia kulturore

      Rrezikohet origjinaliteti i vlerave kombëtare


      Një punë kolosale dhe shumë të rëndësishme e ndërmarrë prej disa kohësh në një bashkëpunim të ngushtë mes Institutit të Antropologjisë Kulturore dhe Studimeve të Arteve të Tiranës dhe Institutit Albanologjik të Kosovës. Synimi ishte realizimi i 5 vëllimeve me veshje popullore të të gjithave trojeve shqiptare, si një dokument i lashtësisë shqiptare. Etnologia Afërdita Onuzi, ka thënë për mediat në Tiranë se tashmë ka përfunduar puna e ndërkohë që tre të parët e kanë njohur dritën e botimit, dy të tjerët janë ende nëpër diapozitiva dhe presin për të ardhur në duart e gjithë të interesuarve. Por kjo pritje rrezikon humbjen e origjinalitetit të këtyre vlerave kombëtare. “Ashtu sikurse është bërë e ditur ka përfunduar puna për grumbullimin e gjithë materialit për realizimin e albumit të katërt, atë të veshjeve popullore të Veriut të Shqipërisë. Me këtë vëllim ne mbyllim punën për veshjet e krahinave brenda kufirit shtetëror të Shqipërisë. Në të njëjtën kohë është realizuar edhe vëllimi i pestë, që përfshin vlerat tradicionale të Kosovës. Për të dyja këto vëllime jemi në pritje të lëvrimit të fondit përkatës, me të cilin do të realizojmë edhe botimin. Në këtë pritje, unë dua të theksoj faktin se kjo e fundit e rrezikon së tepërmi këtë vlerë dhe pasuri që ne kemi grumbulluar për t`ia përçuar atë brezave në vijim. E gjithë puna jonë me fotografimin e kostumeve në fjalë ruhet në diapozitivat përkatës, por kalimi i kohës mund të dëmtojë ngjyrat, tonalitetet e në këtë mënyrë origjinalitetin e tyre”- është shprehur etnologia. Së fundi në albumin e pestë janë përfshirë të gjitha veshjet popullore të Kosovës. Ky i fundit do të ketë edhe një shtojcë, që do të përmbajë veshjet popullore të fshatrave perëndimore të Maqedonisë dhe atyre të Malit të Zi. Gjithashtu Onuzi është shprehur se një risi i këtij vëllimi të pestë është edhe fakti që u arrit të gjendeshin edhe veshjet e luginës së Preshevës. Është fjala për një përmbledhje veshjesh tradicionale të shqiptarëve të Kosovës, pasi në Maqedoni dhe në Mal të Zi, nuk ekzistonte mbështetja e mjaftueshme financiare. E reja e këtij vëllimi është se janë përfshirë edhe veshjet e Medvegjës e Preshevës. “Edhe ky vëllim i pestë ndjek të njëjtën rrugë apo procedim për sa i takon realizimit shkencor, pra ka një parathënie shkencore, hartën e shtrirjes së veshjeve të ndryshme dhe fotografimin e tyre në variante po të ndryshme, konkretisht në ato mjedise ku edhe ato janë përdorur. Gjithashtu dua të theksoj se veshjet janë autentike, ne nuk përdorim riprodhime në albumet tona. Me realizimin e këtyre vëllimeve ne kemi realizuar një detyrë për të fiksuar një trashëgimi kombëtare dhe për ta vënë atë në përdorim të gjithë shqiptarëve e të huajve. Janë pjesë e rëndësishme e trashëgimisë sonë popullore dhe s’kanë në brendësi të tyre thjesht elemente estetike, por edhe mesazhe të kulturës shqiptare”- tregon Onuzi. Më tej ajo tregon se për realizmi e këtij të fundit është bërë një punë e mirë si nga Instituti i Antropologjisë Kulturore dhe Studimit të Arteve ashtu edhe nga Instituti Albanologjik i Kosovës me të cilin kanë bashkëpunuar për të përgatitur këtë album. E ndërkohë që tre vëllimet e para janë fiksuar tashmë edhe në botime të veçanta, dy të fundit ai i veshjeve të Veriut dhe ai Kosovës, presin tashmë fondin përkatës për të parë dritën e botimit dhe të jenë në formën e një albumi në duar të gjithë të interesuarve.

      Në jetë tri gjëra duhësh ti mendosh dy herë para se ti bësh :
      - Një Zemër para se ta thyesh...
      - Një Derë para se ta mbyllësh...dhe,
      - Një Fjalë para se ta thuash...