Presidenti Sejdiu nderon Rifat Berishën me Urdhrin 'Hero i Kosovës'

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Presidenti Sejdiu nderon Rifat Berishën me Urdhrin 'Hero i Kosovës'

      Presidenti i Republikës së Kosovës, dr. Fatmir Sejdiu ka marrë vendim që, me rastin e njëqindvjetorit të lindjes dhe të 61-vjetorit të rënies, Rifat Berishës t’i jepet Urdhri “Hero i Kosovës”, për kontribut të veçantë dhënë për lirinë e Kosovës.

      Ky Urdhër u jepet figurave historike shqiptare dhe të Kosovës, si dhe qytetarëve të Kosovës që kanë bërë vepra trimërie për lirinë dhe pavarësinë e Kosovës.
      Vendimi i Presidentit merret në bazë të Kushtetutës së Republikës së Kosovës, neni 84, pika 28 si dhe në bazë të Rregullores mbi Dekoratat, Urdhrat dhe Titujt e Nderit të Kosovës që i jep Presidenti i Republikës së Kosovës dhe Procedurat e Dhënies së tyre, Neni 3, 19 dhe 34.


      [IMG:http://i40.tinypic.com/35k7tk3.gif]



      Në jetë tri gjëra duhësh ti mendosh dy herë para se ti bësh :
      - Një Zemër para se ta thyesh...
      - Një Derë para se ta mbyllësh...dhe,
      - Një Fjalë para se ta thuash...
    • Akademi përkujtimore në njëqindvjetorin e lindjes së atdhetarit Rifat Berisha


      Nën patronazhin e kryeministrit të Kosovës, Hashim Thaçi, është mbajtur sot në Prishtinë, Akademia përkujtimore në njëqindvjetorin e lindjes së atdhetarit të paepur të çështjes kombëtare, Rifat Berisha, dhe në gjashtëdhjetë e një vjetorin e rënies heroike bashkë me tre familjar të tij.
      Manifestimin e ka shpallur të hapur deputeti Hydajet Hyseni, i cili ka përshëndetur në emër të veteranëve të çështjes kombëtare.
      Në emër të institucioneve të Republikës së Kosovës në këtë akademi përkujtimore ka mbajtur një fjalë rasti kryetari i Kuvendit, dr. Jakup Krasniqi, i cili duke shpalosur fakte biografike për atdhetarin Rifat Berisha, për luftën e tij bashkë me familjen për lirinë e atdheut, për postet e rëndësishme gjatë Luftës së Dytë botërore, për meritat e organizimit të Konferencës historike të Bujanit, nënkryetar, i së cilës qe zgjedhur, ka konstatuar qëndrimin e pa kompromis të heroit për lirinë e popullit të vet dhe të drejtën historike të shqiptarëve për të jetuar të lirë e të bashkuar, shkas i mjaftueshëm ky për tu ndjekur, survejuar dhe më në fund edhe likuiduar nga sigurimi shtetëror serb.
      Si fakt të mospajtimit të atdhetarit Rifat Berisha me gjendjen e robërisë së re në Beograd, Krasniqi ka cituar njërën nga pikat e propozuara nga Rifat Berisha, për zgjidhjen e çështjes shqiptaro-jugosllave: “Në përputhje me parimet e me normat demokratike dhe të vetëvendosjes, të premtuar si deklarim i Fuqive të Mëdha, të cilat ishin aleate të Luftës së Dytë Botërore, dy kuvendet popullore, të Shqipërisë dhe të Jugosllavisë, të shpallin plebishitin dhe qeveritë e Tiranës e të Beogradit me një komision të përbashkët të organizojnë votimin në popull për këtë çështje dhe vullneti në popull të jetë sipas ligjit. Kështu mendoj se armiqësitë e vjetra do të shuheshin plotësisht midis Jugosllavisë dhe Shqipërisë, për t’i lënë vendin miqësisë mes dy popujve. Nëse jemi shtete demokratike e popullore, kisha me thënë se kjo çështje nuk duhet vonuar, se vetëm kështu plagët e vjetra e të reja nuk do të rrjedhin më gjak”.
      Konferenca e Bujanit dhe angazhimi i Rifat Berishës, u shtypën në gjak, ka thënë Krasniqi, duke theksuar faktin trishtues të tradhtisë së komunistëve jugosllavë ndaj premtimeve dhënë gjatë të ashtuquajturës Luftë Nacional-Çlirimtare.
      Në vazhdën e aktiviteteve dhe të organizimeve të atdhetarëve shqiptarë gjatë viteve 1948 dhe 1949, Krasniqi ka përmendur mbledhjen e Ferizajt, më 27 shtator të vitit 1948 ku merrnin pjesë pos Rifat Berishës edhe Xheladin Hana, Ibrahim Muhaxheri, Rexhë Balaj, Vesel Rexhepi, Kurtesh Agushi, Omer Çerkezi, Faik Pruthi, Muhadin Hadri dhe Hajdar Pruthi, qëllimi i së cilës ishte sendërtimi i Programit të Lëvizjes Popullore për Bashkimin e Trojeve Shqiptare.
      Tutje dr. Krasniqi përshkruan likuidimet dhe arrestimet e kësaj plejade atdhetarësh të dëshmuar, përfshirë edhe ndjekjen dhe sulmin nga UDB-ja më 14 maj të vitit 1949, në familjen Berisha, çarjen me luftë të rrethimit dhe vrasjen me tradhti të Rifatit bashkë me tre familjarë të tjerë më 17 maj 1949, në fshatin Gajrak.
      “Periudha e vitit 1968 pastaj 1981 dhe 1990 dhanë mesazhin se Rifati ka lënë trashëgimtarë për çlirimin e vendit.
      Zhvillimet politike në Jugosllavi pas vitit 1990, treguan se koha e lirisë kishte ardhur dhe se për të duhej luftuar. U ngjall shpirti i Rifat Berishës, u ngjall shpirti i rilindësve të kombit shqiptar, sepse Kosova kishte lindur njeriun e kthesës së madhe, njeriun që bëri Ushtrinë Çlirimtare të Kosovës dhe historinë e re kombëtare, Komandantin Legjendar, Adem Jasharin. Adem Jashari dhe UÇK-ja arritën që të çlirojnë përfundimisht dhe përgjithëmonë Kosovën, duke çuar në vend amanetin e Rifat Berishës dhe mijëra dëshmorëve të tjerë të popullit tonë”, ka theksuar Krasniqi.


      [IMG:http://i40.tinypic.com/35k7tk3.gif]

      Në jetë tri gjëra duhësh ti mendosh dy herë para se ti bësh :
      - Një Zemër para se ta thyesh...
      - Një Derë para se ta mbyllësh...dhe,
      - Një Fjalë para se ta thuash...