Fati i “Hynyler”Ne Prishitne

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Fati i “Hynyler”Ne Prishitne

      Fati i “Hynyler”Ne Prishitne


      Një shtëpi qindra vjeçare e mbrojtur me ligj ka filluar të shkatërrohet. Pronarët thonë se kanë leje për rrënim pasi shtëpia është hequr nga lista e trashëgimisë kulturore të Prishtinës, në vitin 2007 . Heqjen nga lista e kishte bërë Ministria e Kulturës, ndërsa dy ditë më parë Ministri Haziri kërkoi që shtëpisë t’i kthehet statusi i vjetër. Edhe pse ka status të mbrojtur në këtë shtëpi tash e disa dekada nuk kanë investuar institucionet që duhet të investojnë ndërsa familja kërkon zgjidhje. E gjitha kishte nisur nga Facebook.


      Në afërsi të shtëpisë së Pleqve në Prishtinë gjendet një shtëpi e cila quhet “Hynyler”. Thuhet se daton qysh para nj shekulli. E gjendur në mesin e një Prishtine të dikurshme, fasada e saj ka filluar të marrë ngjyrë gri nga gazi i automobilave ndërsa dritaret kanë filluar të qërohen sikur lëkura e njeriut pas rrezitjes.

      Shtëpia i përket familjes së vjetër Hynyler nga Prishtina.

      Që nga vitet e 1967 shtëpia është nën mbrojtjen e monumenteve të trashëgimisë kulturore të qytetit të Prishtinës.

      Edhe pse e ndodhur nën mbrojte nëse mund të quhet ashtu në këtë shtëpi apo edhe në monumentet e tjera që janë nën mbrojtje nuk është investuar asgjë nga komuna apo Ministria e Kulturës.

      Mirëpo tashmë është familja Hynyler e cila dëshiron që të vazhdojë me rrënimin apo edhe shitjen e kësaj shtëpie.

      Ndonëse nuk dëshirojnë të flasin hapur ata pohojnë se kanë leje për rrënim nga vet Komuna e Prishtinës.

      “Na e kemi edhe lejen për rrënim”, tha kryefamiljari i familjes i cili nuk ishte i hapur të fliste shumë për gazetë.

      Por iniciativa dhe ide të tilla nga familja kanë nisur me vet iniciativën e Ministrisë së Kulturës qysh në vitin 2007. Kështu së paku pohon Haxhi Mehmetaj drejtues i Institutit për Mbrojtjen e Monumenteve të Prishtinës.

      “Pikërisht është Ministria e Kulturës ajo e cila në vitin 2007 e ka hequr nga lista. Instituti nuk e ka dhënë pëlqimin por Ministri krye në veti”, tregon Mehmetaj për Express.

      Por 2 ditë më parë Ministri i Kulturës së Kosovës, Lutfi Haziri ka vendosur që kjo shtëpi të futet edhe një herë në listën e Objekteve të Mbrojtura.

      “Ta jap unë vendimin taze ku vendimi i tij është që nuk hiqet nga lista, abrogohet vendimi i mëparshëm”, thotë Mehmetaj.

      Edhe vet familja thotë se ka marrë një letër të tillë nga Ministri mirëpo nuk kanë dashur të diskutojnë pafatin e mëtutjeshëm të shtëpisë.

      E gjithë ngritja e pluhurit rreth kësaj shtëpie ka filluar disa javë më parë kur një grua e huaj e quajtur Elizabeth Gowing .

      Gowing e cila njeh mirë trashëgiminë kulturore të Kosovës ka filluar një peticioni përmes faqes Facebook për mbrojtjen e shtëpisë dhe mos rrënimin e saj. Pastaj iniciativa kishte shkuar tek Ministri Haziri.

      Ndërsa Haxhi Mehmetaj në anën tjetër nuk ka një përgjigje se çka i ofron Instituti për Mbrojtjen e Monumenteve të Kulturë familjes pasi familja asnjëherë nuk ka marrë fonde për renovim, asnjëherë nuk është vizituar nga institutet ndërsa kërkohet të jetë nën mbrojtje.

      “Shiko, pronarët e kanë të qartë. Ata kanë kërkuar kërkesë për rrënim dhe ndërtim. Në qoftë se kërkojnë rrënim dhe ndërtim të objektit të ri pse nuk paskan mjete edhe për me investu. Megjithatë unë jam ithtar i asaj që Ministria e Kulturës duhet ta mbështes” . Shtëpia gjendet në lagjen e cila njihet si “Lagja e Kacallarëve” ku kanë filluar të ndërtohen objekte banesore.

      Pse atëherë kurrë nuk është investuar nga Instituti për Mbrojtjen e Monumenteve të Prishtinës pasi familja nuk është në gjendje të mirë dhe është normale që të ndërtojnë banesa dhe të mos jetojnë në ato kushte. Por, çka i ofroni atyre vet ju?

      “Kjo është më së miri me Ministrin të bisedohet”, tha Mehmetaj duke i ikur përgjegjësisë por edhe pyetjes. Por Mehmetaj pranon që Instituti por edhe Ministria e Kulturës nuk kanë treguar një shembull të mirë të restaurimit dhe konservimit të një objekti që është në pronësi private. Ndërsa zonja Gowing me të cilën ka nisur edhe gjithë ky muhabet kur ajo i ka dërguar letër Ministrit të Kulturës shpreson që do të respektohet ligji.

      Gowing thotë se është një gjest i mirë i familjes që ka ruajtur këtë shtëpi për 120 vjet dhe është e drejtë e tyre nëse dëshirojnë ta shesin por në të njëjtën kohë duhet respektohet edhe trashëgimia.