Horoskopi për prindërit

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Horoskopi për prindërit

      Horoskopi për prindërit

      [IMG:http://i51.tinypic.com/2vdmzbt.jpg]

      Për prindin në shenjën e Dashit


      Një shembull inspirues për tu ndjekur

      Si prind në shenjën e Dashit, jeni udhëheqës i natyrshëm. Keni shumë energji, dhe jeni të pasionuar mbas gjërave të juaja. Fëmijët tuaj ju konsiderojnë si inspirues, argëtues, sypatrembur dhe një shembull të mrekullueshëm për të ndjekur – përveç kur jeni paksa si josensitiv dhe autoritar.

      Stili aktiv i jetës suaj është gjë që ju shkon më së miri për shtati juve dhe familjes tuaj. Merrni fëmijët tuaj dhe shkoni në një shëtitje në natyrë, ose thirrni ata në një lojë volejbolli apo futbolli në park – por përkujdesuni që të mos jeni tepër konkurues, posaçërisht nëse fëmijët tuaj janë sensitiv. Shpërthimi agresiv i energjisë mund jetë një barrë ca si e tepruar për ata.

      Fëmijët tuaj gjithmonë do të çmojnë sinqeritetin tuaj, qoftë edhe kur është jo mendjemprehtë, dhe energjinë tuaj rinore e cila ju mban të ri edhe gjersa ju mplakeni. Veni në pah këtë gjë që të ju tregoni anën tuaj të butë. Ata kanë nevojë që të dinë se mund të mbështeten në përkrahjen tuaj emocionale po aq sa edhe në forcën dhe energjinë tuaj dinamike.

      Për prindin në shenjën e Demit

      I durueshëm, praktik, dhe plotësisht i butë

      Si prind në shenjën e Demit ju siguroni një ndikim udhërrëfyes të shkëlqyer në jetën e fëmijëve tuaj. Praktik dhe i durueshëm, gjithmonë jeni gati me buzëqeshje dhe përqafim, sa herë që fëmija juaj ka nevojë për to. Keni çdoherë një ndjenjë të mirë se çfarë është në pyetje më të vërtetë, prandaj rrallë ndodhë që të nevrikoseni për ndonjë gjë.

      Fëmijët duket se ndihen tejet të sigurt nga dashuria juaj. Ju jeni plot dashuri dhe keni kënaqësi ti ledhatoni të vegjlit e juaj. Ju do ti mësoni fëmijët tuaj për vlerat themelore të shenjës së Demit, për vlerat e besnikërisë, të punës së rëndë, dhe të qëndrueshmërisë.

      Ju keni kënaqësi të jeni rrethuar nga njerëzit, kafshët shtëpiake, dhe gjërat që i çmoni më së shumti, prandaj dhe shtëpia e juaj si pas së gjitha gjasave është në rrëmujë, plot me ngjyra dhe shumë komforte.
    • Për prindin në shenjën e Binjakëve

      Bashkëbiseduesi i madh

      Si prind i lindur në shenjën e Binjakëve ju bini një sens humori dhe argëtimi në shtëpi. Ju pëlqeni ta bëni kureshtare familjen tuaj intelektualisht, dhe shpesh do të gjendeni duke zgjidhur fjalëkryqe së bashku me fëmijët tuaj, apo duke lozur Scrabble pas darkës.

      Bisedimi dhe debati janë pjesë e përbërëse e jetës suaj familjare. Ju pëlqeni ti lexoni fëmijëve tuaj, të shkoni në kinema së bashku, apo ti përcillni TV show programet dhe pastaj së bashku ti diskutoni. Ju çmoni mendjen e mprehtë dhe pëlqeni që dhe fëmijët tuaj të jenë aq mendjemprehtë, kureshtar, dhe të informuar sa jeni edhe ju vetë.

      Komunikimi është një nga fuqitë e juaja, por ju tentoni ti debatoni intelektualisht emocionet e juaja, duke u zënë ngusht nga logjika, dhe duke kursyer në lidhjet e juaja intime. Prandaj bëjeni të ditur fëmijëve tuaj se si ndiheni, posaçërisht se sa i doni dhe i përkrahni. Dhe bëhuni zemërgjërë dhe ngushëllues kur ata kanë nevojë për këtë gjë.
    • Për prindin në shenjën e Gaforres

      Një ndjenjë e përkatësisë

      Si prind në shenjën e Gaforres jeni shumë i përfshirë në procesin e rritjes dhe kujdesit ndaj fëmijës tuaj. Ju gjeni kënaqësi nga çdo moment të mrekullueshëm, të shtatzënisë, lindjes dhe rritjes së fëmiut tuaj. Ju jeni e dashur, mbrojtëse, sensitive, dhe e mëshirshme.

      Përkujdesja është se si ju e tregoni dashurinë tuaj ndaj të tjerëve, dhe kjo është fuqia e juaj – por kontrolli ndaj të tjerëve nuk është ajo që dëshironi. Keni si nevojë primare të ndiheni e sigurtë, komfort, dhe e dashur nga të tjerët. Ju mundoheni që të beni çdo gjë për familjen tuaj kështu që ata të mund të mbeshteten tek ju.

      Tradita flet me veten tuaj: disa mund të ju konsiderojnë dhe ca si te modës se vjetër. Zakonet e festave, ritualet familjare, bile dhe ceremonitë fetare e mbushin shpirtin tuaj me një ndjenjë të fortë të vazhdimësisë dhe të bashkësisë e cila ju ndihmon të përparoni. Ndjenja e parezistueshme e këmbëve tuaja në shtrojën e pragut të shtëpisë, e rrethuar me të dashurit tuaj, duke mbrojtur të vegjlit tuaj nën krahët tuaja zemërgjera, ky është ideali për të cilin ju jetoni.
    • Për prindin në shenjën e Luanit

      Krenar dhe i dashur

      Si prind në shenjën e Luanit jeni besnik ndaj familjes, mbrojtës dhe i kujdesshëm. Ju jeni i pasionuar dhe i çiltër në shfaqjen e emocioneve tuaja, prandaj dhe fëmijët tuaj e dinë se kur jeni në disponim të mirë dhe entuziast – dhe po ashtu e dinë kur jeni i pikëlluar dhe i mërzitur.

      Me vetëbesimin e natyrshëm, entuziazmin tuaj, ju jeni gjithmonë figura qendrore e familjes. Fëmijët tuaj e duan zemërgjerësinë tuaj dhe ju i gëzoni ata me dhurata të shpeshta. Nëse fëmiu i juaj e thërret ndonjë mik të tij të vogël në shtëpi dhe të gjithë jeni të disponuar, atëherë ju do ti merrni që të gjithë për të shkuar në kinema apo për të ngrënë akullore, apo ndonjë gjë edhe me ekstravagante, pa marrë parasysh a mund ta financoni apo jo. Ju gjithmonë përkujdeseni për të dashurit tuaj.

      Për prindin në shenjën e Virgjëreshës

      Standarde të larta

      Si prind në shenjën e Virgjëreshës jeni i butë, por keni standarde të larta dhe gjithmonë keni shpërblime për gjërat e bëra në mënyrë perfekte. Ju keni kënaqësinë që ti mësoni fëmijëve tuaj që gjithmonë ti kryejnë detyrat dhe obligimet në jetë, që të përkujdesen ndaj gjërave të tyre, dhe që të jetojnë një jetë të shëndetshme dhe aktive.

      Ju jeni praktike, e dobishme dhe stabile, pra jeni në gjendje të ju siguroni fëmijëve tuaj një bazë të fortë në jetë, si emocionale ashtu dhe ekonomike. Ndonjëherë jeni pak sa kursimtare por kjo është vetëm për të menaxhuar sa më mirë parat për shkollimin dhe rritjen e tyre. Ju jepni pa kursim përkujdesjen dhe kohën tuaj të lirë, dhuntinë tuaj më të vlefshme në jetë.

      Ju jeni një strateg dhe keni syrin e mprehtë për detale, prandaj ka të ngjarë që të jeni nën përkujdesje të llogarive shtëpiake dhe buxhetit familjar. Mos u frikësohuni që ndonjëherë të harxhoni ca më tepër për kënaqësitë e fëmijëve tuaj. Kjo shfaqje e papritur e ekstravagancës dhe përkujdesjes do të thotë shumë për ata.

      Për prindin në shenjën e Peshores

      Paqeruajtësi

      Si prind në shenjën e Peshores, ju mundoheni të krijoni një jetë të qetë dhe harmoni shtëpiake për fëmijët tuaj. Për ju është me rëndësi që të rrisni familjen tuaj në një mjedis të bukur dhe bile luksoz dhe bëni çdo gjë që është e mundur që të shmangni konfliktet në shtëpi. Kështu që mund të jeni pak sa e manipulueshme, posaçërisht kur e ndjeni së fëmijët tuaj bëhen me insistues apo kur mësojnë se si të manipulojnë me ju për të marrë gjërat që dëshirojnë.

      Ju keni kënaqësi të thirrni miq në shtëpinë tuaj dhe gjithmonë do të përkujdeseni që ti mësoni dhe fëmijët tuaj të sillen me edukatë dhe respekt më të tjerët. Fëmijët tuaj do të mbështeten tek ju për ti zgjedhur mos marrëveshjet mes tyre. Pasi që nuk jeni komod me tensionet, ky nuk do jetë një detyrë që do te ju përshtatet, por ju jeni diplomat i lindur, dhe kjo gjë do të ju konvenojë. Kjo është gjëja më natyrale për ti mësuar ata rreth kompromisit dhe kooperimit, dy talenteve të juaja të mëdha.

      Pasi që keni prirje të jeni i pavendosur, duhet të mësoni të tregoheni i vendosur më fëmijët tuaj kur është nevoja.
    • Për prindin në shenjën e Akrepit

      I qetë dhe i fuqishëm

      Si prind në shenjën e Akrepit ju jeni një qendër emocionale e familjes suaj – pa marrë parasysh se a vëreni këtë ju apo jo. Ju jeni të pasionuar, sensitive dhe të fuqishëm dhe të lidhur fortë me fëmijët tuaj.

      Fëmijët e juaj ju shohin si person kompleks dhe misterioz dhe juve ju duhet shpesh të shkoni kundër natyrës suaj që të dukeni i hapur dhe i sinqertë. Ju do të keni një marrëdhënie shumë më të afërt dhe shumë më të efekteshme, në rast se jeni ca më sensibil me ta, dhe kjo nënkupton komunikimi me ta i ndjenjave dhe i problemeve tuaja, dhe dëgjimi me kujdes i fëmijëve tuaj për po të njejtat gjëra.

      Por çfarëdo që mendoni se dini dhe kuptoni rreth fëmijëve tuaj, gjithmonë i inkurajoni ato që ti shprehin me fjalët e tyre përjetimet dhe ndjenjat e tyre, dhe mbi të gjitha mos i përdorni sekretet e tyre kundër tyre.

      Për prindin në shenjën e Shigjetarit

      I gëzuar dhe optimist

      Si prind në shenjën e Shigjetarit ju bëni ngrohtësi në jetën e fëmijëve tuaj me optimizëm dhe humor, dhe i mësoni me shembuj të panumërt për gëzimin e eksplorimit të botës. Jeni avanturist në zemër dhe i mësoni fëmijët tuaj që ta vështrojnë botën me të njëjtën mendje të hapur dhe kureshtje sikur ju.

      Pasi që liria është nevoja juaj primare si njeri, ju jeni tejet lejues edhe për fëmijët tuaj dhe nuk keni dëshirë të limitoni ata pa ndonjë arsye. Ju e kuptoni rëndësinë e ca limitimeve dhe zakoneve, por në përgjithësi filozofia e juaj jetësore bazohet në të gjeturit e kuptimit dhe të reales nëpërmjet eksperiencës suaj personale. Ju keni dëshirë që fëmijët tuaj vetë ta zbulojnë botën dhe të vijnë në konkludimet e veta në bazë të asaj çfarë kanë përjetuar.

      Udhëtimi është një gjë e mrekullueshme për të ju shfaqur fëmijëve tuaj zakone të ndryshme nga ato të tyre. Ju e dini që edukimi dhe eksperienca mund të arrihen në shumë mënyra dhe jo vetëm me anë të shkollimit tradicional, dhe ju do ti mësoni fëmijët tuaj sa më shumë për botën që i rrethon, me të gjithë diturinë që e keni për kohën dhe botën. Fëmijët tuaj do të jenë gjithmonë të inspiruar nga mendja juaj e hapur, dhe jo nga një mendje e cila mendon se i di të gjitha përgjegjjet.

      Për prindin në shenjën e Bricjapit

      Një mjeshtër furnizues

      Si prind në shenjë të Bricjapit, ju fokusoheni në punën e rëndë që e bëni dhe tek përmbushja e obligimeve që i keni. Në të vërtetë ju mund të punoni ca si në mënyrë të tepruar. Qëllimet e juaja janë të mira por mund ti jepni shumë rëndësi e të qenit furnizues i ndërgjegjshëm, dhe më pak rëndësi gjërave tjera, siç janë kalimi i kohës më fëmijët e juaj dhe zhvillimi i një lidhjeje të dashur më ata.

      Ju do ti mësoni fëmijët tuaj për vleftën e parave dhe përgjegjshmërisë dhe do ti edukoni në rëndësinë e të mbajturit e premtimeve. Në të vërtetë ju do të jeni një figurë e vërtetë plot autoritet në jetën e tyre.

      Në këtë mënyrë do të krijoni një balansë mes punës dhe argëtimit, dhe fëmijët tuaj do të ju duan dhe respektojnë edhe më shumë për mundin e bërë. Ju do të jepni një shembull të mirë për ta kur është në pyetje maturia, planifikimi, dhe puna e mundimshme për të arritur synimet tuaja.
    • Për prindin në shenjën e Ujorit

      Rëndësia e të qenit unik

      Si prind në shenjë të Ujorit, ju i inkurajoni fëmijët tuaj që të jenë të lirë dhe të pavarur. Mund të keni jetë familjare të pazakontë. Shtëpia juaj ka gjasa të jetë e mbushur me vepra origjinale arti të fëmijëve tuaj, projekte në zhvillim e sipër, gjëra tjera interesante.

      Gjithmonë keni pasur lloj-lloj miqsh dhe të njohurish dhe do ti mësoni fëmijët tuaj të jenë me mendje të hapur dhe kureshtar për njerëzit nga të gjitha lemitë e jetës. Ju po ashtu ushqeni aftësinë e tyre për të menduar në mënyrë përparimtare dhe në zgjedhjen kreative të problemeve të tyre. Ju shërbeni si model për të shikuar kah e ardhmja dhe jo në të ngecurit në të tashmen apo në të kaluarën.

      Problemi i juaj i vetëm si prind do të jetë në hapjen e fëmijës tuaj emocionalisht. Ju keni prirje të keni më shumë komfort me mendimet intelektuale së sa me emocione, prandaj do të duhet të mësoni që të përkujdeseni ndaj tyre kur ata të jenë të shqetësuar.

      Për prindin në shenjën e Peshkut

      Nëpër sytë e fëmiut

      Si prind në shenjën e Peshkut, jeni shumë të kujdesshëm, të mëshirueshëm dhe të dedikuar mbas nevojave të fëmiut tuaj. Që nga koha kur janë foshnje ju e ndieni dhembjen e tyre në mënyrë akute, gjer sa ndieni gëzim në çdo zbulim që ata bëjnë në botën e tyre të ndritshme ku jetojnë.

      Ju do ti mësoni fëmijëve tuaj rëndësinë e të ëndërruarit – e të lënit imagjinatës të mendoj, e të trokiturit në intuitën e vetes, të besuarit në forcat dhe energjitë e veta, dhe të perceptimit përtej botës së përditshme.

      Përkujdesuni që të jeni në tokë duke u kapur fortë për jetën reale. Dikush prapëseprapë duhet të jetë se paku me një këmbë në tokë! Dhe ju duhet ti mësoni fëmijët se si ti përmbushin obligimet serioze të jetës. Në të vërtetë do jetë një ushtrim pozitiv të kryeni këto detyra, dhe e gjithë familja do të ndihet më mirë.