Kosova

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • # 2 Historia

      * 2.1 Nga Mbretëria Dardane deri në dyndjet e popujve
      * 2.2 Beteja e Kosovës dhe sundimi osman
      * 2.3 Lëvizja kombëtare shqiptare
      * 2.4 Pavarësia e Shqipërisë dhe kolonizimi jugosllav
      * 2.5 Regjimi komunist dhe pushtimi serb
      * 2.6 Shpallja e republikës dhe qëndresa paqësore
      * 2.7 Lufta Çlirimtare dhe ndërhyrja veriatlantike
      * 2.8 Çlirimi, administrimi ndërkombëtar dhe pavarësimi

      # 3 Qeverisja

      * 3.1 Zgjedhjet dhe organet politike
      * 3.2 Sistemi i drejtësisë
      * 3.3 Institucionet ndërkombëtare
      * 3.4 Subjektet politike dhe shoqëria civile
      * 3.5 Marrëdhëniet e jashtme
      * 3.6 Mbrojtja
      * 3.7 Ndarjet administrative

      # 4 Ekonomia

      * 4.1 Të ardhurat dhe zhvillimi njerëzor
      * 4.2 Bujqësia
      * 4.3 Energjia
      * 4.4 Integrimet ekonomike dhe tregtia me jashtë
      * 4.5 Transporti dhe komunikacioni

      # 5 Demografia

      * 5.1 Feja
      * 5.2 Gjuhët
      * 5.3 Vendbanimet
      * 5.4 Arsimi
      * 5.5 Shëndetësia

      # 6 Kultura

      * 6.1 Letërsia dhe artet
      * 6.2 Mediat popullore
      * 6.3 Sportet

      # 7 Njësitë administrative
      # 8 Shiko edhe këtë
      # 9 Lidhje të jashtme
      # 10 Referencat

      Gjeografia dhe mjedisi




      Kyçi ujor dhe ndarja e vendit në dy rrafshe

      E shtrirë në qendër të Siujdhesës Ballkanike, Kosova është vend jobregdetar me reliev të larmishëm dhe ngërthen sipërfaqe prej 10.887 kilometrash katrorë. Ka gjithsej 702 kilometra vijë kufitare me shtetet përbri: 352 km me Serbinë, 159 km me Maqedoninë, 112 me Shqipërinë dhe 79 km me Malin e Zi.[1]

      Me reliev kryesisht në trajtë të pellgut lumor, Kosova është gjeografikisht e ndarë në dy rrafshe parësore, atë të Kosovës në lindje dhe atë të Dukagjinit në perëndim. Lartësia mbidetare në rrafshe luhatet prej 400 deri në 700 metra, ndërsa pika më e ulët prej 297 metrash ndodhet në Vërmicë në kufi me Shqipërinë. Dy rrafshet janë të ndara dhe të rrethuara me vargmale të theksuara në lartësi prej 2.000 deri në 2.500 metra; pika më e lartë, Gjeravica, arrin në 2.656 metra. Lartësia mbidetare mesatare është 811 metra. Nëntoka e Kosovës njihet për kamjen e xeheve të rëndësishme si qymyrin linjit, nikelin, plumbin, zinkun, magnezin, kaolinin, kromin, aluminin, arin, argjendin, bakrin etj.[1]
      Urë mbi Drinin e Bardhë, lumin me rrjedhë prej 122 km në territorin e Kosovës

      Klima e Kosovës, e ndikuar nga rrymat ajrore kontinentale, përkufizohet nga dimra të ftohtë me reshje të rënda bore, si dhe vjeshta e vera të nxehta e të thata. Njëherësh, në vise dhe lartësi të ndryshme mbidetare vërehen ndikime mesdhetare dhe alpine.[1]

      Ndonëse Kosova është prej vendeve më të varfra me ujëra në Evropë, hidrografia e Kosovës shënon disa lumenj të rëndësishëm që derdhen në të gjitha detet e rajonit. Drini i Bardhë është lumi më i gjatë me 122 km, i cili bashkohet me Drinin e Zi në Shqipëri dhe bashkë derdhen në Detin Adriatik; Sitnica, Lumbardhi i Pejës, Morava e Binçës, Lepenci, Ereniku, Ibri dhe Lumbardhi i Prizrenit janë lumenjtë tjerë të përmendur. Ndërkaq, rezervarët artificialë të Gazivodës, Radoniqit, Batllavës dhe Badovcit llogariten si liqenet kryesore të vendit.

      Janë 52 zona të mbrojtura në Kosovë që përkapin sipërfaqe prej 46.274 hektarë; prej tyre numërohet një park kombëtar (39.000 ha), 35 monumente natyrore (4.868 ha), dy sipërfaqe të mbrojtura (1.681 ha), si dhe 11 zona natyrore (698 ha). Megjithë rrezikun që u kanoset, pyjet e pasura me bung, ah, qarr e lis përbëjnë pjesë të rëndësishme të botës bimore së bashku me kullosat. Prej bimëve të tjera janë të përhapura dardha e egër, murrizi, thana, trëndafili i egër, dëllinja dhe ulza. Ndërkaq, zonat kodrinore-malore janë më të pasur me specie shtazësh. Përmenden iriqi lindor, miu, kaprolli, derri i egër, dreri dhe lepuri, si dhe shpendët si korbi i murrmë, laraska, shtura, habeli fushor, etj.