Çfarë simbolizon e kuqja në etnokulturën shqiptare?!

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Çfarë simbolizon e kuqja në etnokulturën shqiptare?!

      [IMG:http://i54.tinypic.com/2nvtqg.jpg]


      Derisa në shumë vende e kuqja fillimisht përfaqëson ngjyrën e dashurisë, në kulturën tone kjo ngjyrë më shumë simbolizon gjakun, luftërat për liri, e të tjera. Por cila është simbolika sipas studiueses Angjelina Hamza?!


      Civilizimet e lashta, por edhe psikologjia bashkëkohore vlerësojnë rëndësinë e madhe të ndikimit të ngjyrave. Sipas kësaj të fundit vlerësohet se ngjyrat kanë ndikim të madh në krijimin e efekteve të ndryshme psikike dhe gjendjeve të caktuara emocionale dhe shpirtërore në përgjithësi. Njëra ndër ngjyrat që kanë simbolikë të veçantë është edhe ngjyra e kuqe. E kuqja renditet në vlerat pozitive. Kjo ngjyrë, si në të tjera kultura edhe tek kultura shqiptare ka simbolikën e vet. Por, derisa në shumë vende e kuqja fillimisht përfaqëson ngjyrën e dashurisë, në kulturën tone kjo ngjyrë më shumë simbolizon gjakun, luftërat për liri, e të tjera.

      E veçanta e gjithë kësaj është flamuri kombëtar, i cili është simbol i mbarë popullit, në sfond të të cilit është ngjyra e kuqe. Studiuesja e re Angjelina Hamza, në organizmin shkencor, i cili u mbajt në Institutin e Albanologjisë në Prishtinë, ka sjellë studimin e saj rreth simbolikës së ngjyrës së kuqe në Etnokulturën shqiptare. Hamza thotë se, ashtu si në kulturat tjera edhe te kultura shqiptare, pikërisht te kultura materiale dhe shpirtërore, ka elemente të ruajtura nga simbolikat e ngjyrave. Ajo veçon në këtë rast simbolikën e ngjyrës së kuqe.

      Në studimin e saj rreth kësaj ngjyre, është veçuar përdorimi i të kuqes në veshjet e shumta, si në ato kombëtare ashtu edhe në moderne. Kjo ngjyrë tek shqiptarët është përdorur shumë dhe vazhdon ende në vende dhe kuptime të shumta. Disa shembuj për këto përdorime janë: duvaku apo shamia (e kuqe)e nuses, qilimat apo sexhadet të vendosura për parakalimin e nuses, qerrja e kuqe e nuses, në këto raste ngjyra e kuqe ka rolin purifikues mbrojtës.

      Pastaj, për të marrë mësyshin e një të mire ose një fëmije, qoftë edhe të ndonjë bagëtie, si lloj besëtytnie. Në studimin “Simbolika e ngjyrës së kuqe në Etnokulturën shqiptare”, përmendet edhe simbolika e të kuqes që e hasim tek flaka e zjarrit të buzmit, apo gacat të cilat kanë funksion për pjellshmërinë.

      Po ashtu, përdorimi i saj për të shëruar sëmundje të ndryshme, që sipas besimeve të ndryshme ajo është ilaç. Ngjyrat e veta cilësuese sipas studimit të lartpërmendur, kishin edhe ditët e javës, dhe shikuar nga kjo, dita e martë si ngjyrë cilësuese kishte të kuqen.