Rivalet Dorzohen Para Vettelit edhe ne Garen e Kines

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Rivalet Dorzohen Para Vettelit edhe ne Garen e Kines


      [b] [IMG:http://1.bp.blogspot.com/_Yjpc_eruYBo/TUhHST3asBI/AAAAAAAAKF0/mbGst6eTfZs/s1600/Sebastian-Vettel-in-2011-Dress-up.jpg]
      Rivalët e kampionit të Formula 1, Sebastian Vettelit, janë pesimistë se mund t'i bëjnë ballë gjermanit në garën për Shpërblimin e Madh të Kinës, që mbahet në fundjavë. Vetteli ka triumfuar në dy garat e para të F1 këtë stinor, ndërsa rivalët e gjermanit besojnë se ai është favorit për të fituar edhe në Kinë dhe për t'u bërë garuesi i parë pas plot shtatë vjetëve që ka nisur edicionin me tri fitore. Ata thonë se ka pasur shumë pak kohë që nga Shpërblimi i Madh i Malajzisë, i mbajtur fundjavën e kaluar për të pasur përparime të mëdha.
      Vettel në dy garat e para të stinorit doli fitues si në kualifikime ashtu edhe në garë. Ai është duke synuar të arrijë rekordin e Michael Schumacherit të vitit 2004, që nisi stinorin me "hat-trick" të fitoreve.
      "Kanë kaluar vetëm katër ditë që nga gara e Malajzisë, kështu që bolidët janë të njëjtë si në garën e kaluar. Duhet të jemi realë dhe të drejtë, synim të vetëm kemi të fitojmë pozitat 2 e 3. Natyrisht se do të kisha dëshirë të luftoja për fitore, por tash për tash bolidi i Vettelit duket i paarritshëm", ka thënë piloti spanjoll i Ferrarit Fernando Alonso.
      McLaren-Mercedesi ishte skuderia që i bëri më së shumti konkurrencë Red Bullit, përkatësisht Vettelit në dy garat e para. Në Malajzi, Jenson Button doli i dyti pas gjermanit, derisa në kualifikime për garën e Malajzisë, gati nuk e mposhti Vettelin britaniku tjetër i McLarenit, Lewis Hamilton.
      Hamilton është pak i brengosur pasi Vetteli triumfoi në Malajzi, ndonëse sistemi që rrit fuqinë KERS i dështoi në gjysmë të garës. Ai thotë se pa limitime të tilla që pati në Malajzi, Vetteli mund të mbyllë garën dukshëm para të tjerëve në Kinë.
      "Në Malajzi ishte ngushtë, mirëpo jam i sigurt se në Kinë, Red Bulli, do të jetë në shpejtësi maksimale. Mbetet të shihet nëse do të jemi aq afër tyre si në garën e fundit", ka thënë Hamilton.
      Vetteli në Kinë ka fituar "pole-positionin" në dy vitet e fundit dhe ai synon të vazhdojë dominimin edhe këtë fundjavë.
      "Ne duhet të vazhdojmë me këtë sukses, mirëpo në garën e fundit e pamë se avantazhi që kemi po zvogëlohet. Nuk bën të marrim të garantuar asgjë. Kemi zhvilluar vetëm dy gara dhe e kemi parë edicionin e kaluar se sa mund të ndryshojë stinori brenda vetëm pak garave", ka thënë Vettel.
      Kolegu i Vettelit në Red Bull, australiani Mark Webber, nuk është i brengosur se gjermani po përfundon dukshëm para tij. Webberi në dy garat e para zuri pozitën, përkatësisht të pestë dhe të katërt.
      "Po të isha fillestar në F1 do të bëja panik. Mirëpo, unë kam disa vite në këtë sport. Vetteli nuk po më mposht vetëm mua, por po i mposht të gjithë. Njerëzit e kanë zakon të bëjnë një krahasim mes njërit dhe kolegut tjetër të skuderisë. Sebastiani është duke pilotuar shumë mirë dhe është në formë shumë të mirë. Edhe unë jam duke performuar mjaft mirë", ka thënë Webber.
      Së paku Webber, dy pilotët e Ferrarit dhe dy të McLarenit kanë pak shpresë për t'i bërë ballë Vettelit, por ndryshe paraqitet gjendja te kampioni i shtatëfishtë i F1, Michael Schumacher.
      Mercedesi, pilot i të cilit është Schumacheri, ka dështuar tërësisht në dy garat e para, ndonëse para fillimit të stinorit ishte futur në mesin e favoritëve.
      Schumacher nuk beson se bolidi mund të përmirësohet shpejt.
      "Nuk është hera e parë që më ndodh kjo. Sekreti i Formula 1 është që nuk duhet t'i kushtosh vëmendje vetëm një sektori, por të gjitha detajeve", ka thënë Schumacher.[/b]

      MIA SAN MIA