Si te arredojme shtepite, ngjyrat per 2011-en

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Si te arredojme shtepite, ngjyrat per 2011-en

      Shtepite duhet t’i kemi sa me pak te ngarkuara! T’i mobilojme vetem me gjerat me te domosdoshme dhe te leme sa me shume hapesire, qe do te thote me shume frymemarrje, me shume lirshmeri levizjesh, efekte pozitive psikologjike etj. Me nje fjale te vetme permblidhet si: shtepi minimaliste. Kete koncept e propozojne fort edhe per 2011-en jo vetem arkitektet ne bote, por edhe ata shqiptare. “Minimaliste eshte nje term qe njihet qe prej viteve ’60-te, por rikthehet ne kohe dhe se fundi eshte bere edhe me masiv, pasi i meshon shfrytezimit sa me efikas te hapesirave, sidomos kur behet fjale per siperfaqet me te vogla te banimit, apartamentet, pasi vilat jane krejt tjeter gje”, shpjegon arkitekti Erion Gorenca.
      ‘Ne pergjithesi, ne shqiptaret kemi manine t’i ngarkojme shtepite, duke menduar se sa me e ngarkuar ajo, aq me begati dhe bukuri ka, por ne fakt eshte e kunderta”, shpreh mbeshtetjen ndaj te njejtit stil arkitekti Gjovalin Shytani.
      Stili minimalist lidhet me kursimin e logjikshem, estetik dhe funksional. Ne shtepite qe perqafojne kete stil nuk mungojne televizionet plazma, impiantet, dvd, kompakt sterjo dhe kesisoj ky stil lidhet edhe me ate hi-tech. Mundesisht te gjitha keto grupohen bashke ne nje kend mobilimi edhe me libra neper rafte, te quajtur multimedia. Per efekt kursimi dhe ne dobi te hapesirave propozohet e futur ne mur edhe garderoba e dhomes se gjumit. Sipas Erion Gorences, nuk eshte i nevojshem as edhe nje kend gatimi mbi 4m i gjate, nderkohe qe ne kohet e sotme shtepia eshte kthyer ne hotel apo magazine dhe njerezit me shume hane jashte. “Me parate e kursyera nga konceptimi i nje kuzhine me te vogel, blihet tavolina dhe karriget”, shton Gorenca.
      Por sipas arkitekteve, dobia vjen nga vendosja e perparesive te duhura. Shpesh behet gabimi i investimit me te madh ne banjo, dhome gjumi apo kuzhine, ku kalohen castet me te pakta te dites dhe qe jane edhe me dyer te mbyllura.
      Hapesirat minimaliste kompozohen te hapura dhe te ajrosura, duke mbartur edhe elegance. Ata qe propozojne dhe zbatojne pasjen e nje shtepie te tille, kesisoj krijojne efektin edhe te nje siperfaqeje me te madhe. Ndersa format jane gjeometrike, lineare, te pastra, pa shume zbukurime dhe prej lende drusore teknologjike si MDF (entief) me nderthurjen e imazhit te drurit origjinal.
      Ngjyrat e 2011-es
      Jane ngjyrat pastel, qe do te thote nuancat e lehta te ngjyrave. Kombinuar tek-tuk me pak nuanca te forta. Kjo eshte nje tendence edhe e 2011-es, ku shume te keshillueshme jane sidomos ngjyra e panes dhe e bardha. “Baza e te bardhes apo edhe grise nuk mungon kurre ne arredim, edhe per faktin se keto ngjyra kane mundesine e shkelqyer per te shtuar edhe nje ose dy ngjyra dhe per t’i perzier bashke”, shpjegon arkitekti Gjovalin Shytani. Por ne nje dhome, ambient, eshte e keshillueshme te alternohen maksimumi deri ne tre ngjyra ne nje dhome. Si per shembull, e bardhe me te zeze dhe nuanca te grise, grise perle, ngjyre devese dhe tone te erreta te kafese apo e bardha me pak prani te ngjyrave te forta si e verdha, bluja, e kuqja etj.
      Inxhinieri i drurit, Dritan Cacaj
      “Tendencat e fundit prodhohen edhe ne vend”
      Nuk eshte aspak e veshtire te pershtatesh modelet e marra nga revistat e arredimit, interneti apo panairet neper bote, qofshin edhe tendencat me te fundit. Madje, specialistet tane ka raste qe edhe i ndryshojne dhe i zhvillojne modelet me fantazine e tyre. Kete ben ne fabriken ku punon prej mese dhjete vjetesh ne Tirane inxhinieri i drurit, Dritan Cacaj, duke prodhuar per nje treg te gjere vendas.
      Nese hyn ne nje fabrike te vertete mobilerie proceset teknike neper te cilat kalon materiali drusor derisa behet nje mobilje jane; berja e shablloneve me kompjuter, sharrimi, rimesimi (veshja), cpimi, vendosja e aksesoreve dhe lyerja me poliuretanik apo bojera me baze uji. Por ka ne fabrike edhe materiale qe, sikurse ne punishtet e thjeshta te zejtareve, nevojitet t’iu jepet forme ne menyre artizanale, me dore. “Sidomos ne ato raste kur duhen realizuar forma te lakuara mobiljesh, te nderlikuara, sic ishte se fundi nje rast kur na u desh te kompozonim formen e nje germe te madhe si koncept publicitar. Ate e punuam me dore”, shpjegon Dritan Cacaj.
      Box
      TIPIKE MINIMALISTE
      Multimedia, ekonomike
      Kjo eshte multimedia, ku vendosen televizori, impianti, dvd, kompakt sterjo, por edhe rafte me libra apo sende zbukuruese. Te grupuara te gjitha bashke me kursim dhe elegance estetike. Ku nuk mungojne edhe raftet e mbyllura ku mund te vihen te tjera objekte e materiale.
      Garderoba, ne mur
      Ndryshe dollapi i rrobave eshte nje mobilje qe ze plot 9m² te siperfaqes se dhomes. Qe do te thote edhe nje dhome me vete. Arkitektet qe perqafojne stilin minimalist propozojne me patjeter nje garderobe te futur ne mur, e cila krijon me shume hapesire dhe lirshmeri levizjesh.
      Kuzhinat, me te vogla
      Nuk ka nevoje per kende gatimi me gjatesi mbi 4m, ku gati 2.40m i zene vetem pajisjet elektro-shtepiake. Nje kuzhine e madhe ze jo vetem vend, por dhe nuk eshte aq funksionalisht e perdorshme, perderisa shumicen e njerezve nata i mbledh ne shtepi dhe hane me shume jashte. Metra me pak do te thote edhe kursim parash.
      Pikturat, pa korniza
      Per te plotesuar arredimin deri ne detaj, shume te keshilluara jane edhe pikturat, por ne stilin minimalist ato propozohen dhe zgjidhen pa korniza dhe xhama. Edhe ky rregull duhet zbatuar ne menyre absolute, qe kesisoj te mos prishet filozofia minimaliste.

      Moxxi

      Fc Barcelona Nr.1