Pse duhet dashur gabimet tona?

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Pse duhet dashur gabimet tona?

      Londër, 20 qershor - Ju vjen keq për çfarë keni bërë, dhe jo për atë që nuk keni bërë. Ose, më mirë është të dashuroni dhe të humbni atë që dashuroni, se sa të mos dashuroni asnjëherë, thotë fjala e urtë, ndërsa tani shkencëtarët vërtetojnë që kjo është shumë e saktë. Sado të dhimbshme të jenë gabimet tona, ato nxisin suksesin e ardhshëm në karrierë dhe dashuri.

      Gabimet? Sigurisht, të gjithë kemi lista të gjata të cilat më me dëshirë do t’i harronim. Megjithatë, keqardhja për gjërat që i kemi bërë në afat të gjatë janë më pak të dhimbshme se sa ato që janë pasoja të mosveprimit, thonë shkencëtarët. Ndërsa dhimbja të cilën e ndiejmë për shkak të shanseve të lëshuara, na lë vragë të përhershme.

      Në studimin të cilin e kanë kryer dy universitete amerikane kanë identifikuar dy lloje të proceseve të keqardhjes – keqardhja për shkak të veprimit e cila bazohet në atë se çka ka ndodhur me të vërtetë dhe keqardhja e të qëndruarit të qetë –që ka të bëjë me diçka që keni mundur ta bëni, por nuk e keni bërë.

      Në anketë 370 persona të rritur janë të lutur që në detaje të diskutojnë për gjërat për të cilat ndiejnë keqardhje dhe të përshkruajnë se sa ka zgjatur dhimbja. Temat më të shpeshta ishin dhimbja për shkak të dashurisë dhe keqardhja për shkak të lëshimeve në arsim dhe karrierë. Keqardhja për shkak të dashurisë është treguar veçanërisht e dhimbshme; shumë të anketuar kanë shprehur keqardhje për shkak të dashurive të lëshuara dhe lidhjeve që nuk kanë funksionuar.

      Rezultatet e publikuara në revistën 'SAGE', kanë zbuluar se procesi i keqardhjes për diçka që kemi bërë në fillim është shumë i dhimbshëm, por nuk mbete aq gjatë si keqardhja për diçka që nuk kemi bërë. Po ashtu kanë treguar që njerëzit më shumë ndiejnë keqardhje për humbjen e personit të dashur se sa për shkak të karrierës.

      Megjithatë, autorët e studimit pohojnë që keqardhja, posaçërisht për shkak të gjërave të pabëra, na nxit për sukses të ardhshëm dhe në ndërmarrjen e rreziqeve më të mëdha, që të mos kalojmë përsëri nëpër përvojën e njëjtë të dhimbshme.

      Mos e shtypni dhimbjen

      “Njerëzit ndiejnë keqardhje për gjërat që e rëndësishme për ta. Të gjithë dëshirojmë marrëdhënie të forta dhe stabile shoqërore, dhe jemi të palumtur kur nuk i kemi”, tha autori i studimit, profesor Mike Morrison, nga Universiteti në Illinois. “Keqardhja mund të jetë e dhimbshme, por njëkohësisht e dobishme. Disa njerëz thonë që tentojnë të jetojnë pa keqardhje, por mendoj që ajo është gjendje e pandershme njerëzore”, shton Morrison.

      Por nëse tentojmë të shtypin keqardhjen, sakrifikojmë një pjesë të humanitetit tonë. Duke diskutuar për rezultatet e studimit, prof. Morrison shton që është parimi kryesor i rregullimit të keqardhjes në teori që dhimbja është më intensive nëse bëhet fjalë për gjërat të cilat janë veçanërisht të rëndësishme për ne.

      “Kemi gjetur disa shembuj të kësaj forme. Femrat, të cilat shpesh vlerësojnë raportet shoqërore më shumë se meshkujt, ndiejnë keqardhje për shkak të dashurisë më shumë se meshkujt, për të cilët megjithatë, është më e rëndësishme karriera prandaj në dhimbshëm i përjetojnë gabimet në atë aspekt.”

      Edhe pse keqardhja ndonjëherë mund të ketë pasoja të këqija për shëndetin mental, hulumtimet tregojnë që keqardhja na motivon për aktivitete të reja të përmirësuara, dhe me këtë edhe kushte më të mira të jetesës.
      Moxxi

      Fc Barcelona Nr.1