Gratë e Afganistanit i frikësohen filmit

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Gratë e Afganistanit i frikësohen filmit

      [IMG:http://i56.tinypic.com/2jfmzbn.jpg]
      Saba Sahar njëra prej një grushti femrash në industrinë e
      kinematografike në Afganistan nuk e ka vendin në film. Ajo është
      regjisorja e parë në Afganistan. Sahar (36) u bë emër i njohur, pasi
      gjysmën e jetës së saj ia kushtoi aktrimit dhe regjisë. Bashkëqytetaret e
      saj e admirojnë. Njashtu si shumica e regjisorëve afganistanas edhe për
      Saharin është sfidë të gjejë një aktore në shoqërinë ultrakonservative
      myslimane ku shumica e konsiderojnë aktrimin një punë të pahijshme për
      femrat.



      "Disa afganistanas mendojnë se filmi nuk është vendi i dukur për një
      grua", ka thënë për Reuters 19 - vjeçarja Deba Barekzai, e cila luan
      nusen e re në serialin televiziv të Saharas, një rrëfim për zakonin e
      moçëm në Afganistan kur gruaja i jepej burrit si kompensim për një vepër
      penale.



      "Angazhimi në këtë serial më ka nxjerrë telashe dhe pengesa”, ka shtuar
      Barekzai, e cila është transferuar në Iran për t’u shkolluar për aktrim.
      Familja e saj ka konsideruar se do të ishte tejet e rrezikshme që e
      bija e tyre të studiojë aktrimin në Afganistan për shkak se me këtë nuk
      pajtohen kushërinjtë e saj në Taliban.



      Regjisorja kanadezo – afganistanase, Nelofer Parizfa, ka sqaruar se
      presioni në familje i ka penguar shumë aktore të saj që të paraqiten në
      setin e xhirimeve të filmit "An Act of Dishonour", në të cilin ajo
      shkrin pikërisht rrëfimin për fatin e aktores të cilën burri i saj e
      qëllon për vdekje kur merr vesh se me çfarë merret ajo.



      "Kjo vërtet është e mjerueshme. Frika i ka penguar që të vijnë në
      punë”, kishte thënë Pariza muajin e kaluar në premierën e filmit të saj
      të realizuar qysh më 2009-n.



      Pariza dhe Sahar janë vetëm dyshja e një grupi të vogël aktoresh e
      regjisoresh në Afganistan, të cilat me punën e tyre i janë përkushtuar
      çështjes së dhunës ndaj grave në vendin e tyre



      Me qëllim që të punësojnë gra në industrinë e filmit dhe të shpërfaqin
      fatin e tyre të zi, Sahar para nëntë vitesh ka themeluar kompaninë e
      produksionit të filmit "Saba Film".



      "Kam dy mesazhe për gratë e Afganistanit. E para: asnjëherë nuk duhet
      t’u shkojë mendja se janë të pafuqishme, dhe e dyta: duhet të kenë
      vetëbesim”, ka thënë Sahar, e cila në të kaluarën ka qenë njëra ndër
      gratë e pakta police në vendin e saj.



      Drejtori i agjencisë shtetërore të filmit "Afghan Film", Latif Ahmadi,
      ka thënë se për shkak të gjendjes së dobët ekonomike, ku më se 40 për
      qind jetojnë në me poshtë se sa kufiri i varfërisë – nuk kanë mjete që
      t’ua paguajnë aktoreve edhe benificionet për punën e rrezikshme që
      bëjnë.











      (Fotolgjenda: Skenë nga filmi "An Act of Dishonour" në regji të Nelofer Parizas)