Angepinnt Menaxheri i Dafinës i shet klipin kompanisë “Easycom” pa dijen e saj

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Menaxheri i Dafinës i shet klipin kompanisë “Easycom” pa dijen e saj

      [IMG:http://i55.tinypic.com/ffbgv4.jpg]

      ”Menaxheri i Dafina Zeqirit, me emrin Drin Zatriqi, ka tradhëtuar edhe Dafina Zeqirin, edhe bashkëpunëtorin më të afërt të Duffy-t, Produksionin M1, i cili ka pothuajse meritën më të madhe sa i përket famës së Dafina Zeqirit në internet”. Kështu thuhet në kumtesën lëshuar nga produksioni M1 në lidhje me tradhtinë që stafi i këngëtares i ka bërë këtij produksioni, duke i shitur klipin e fundit të Dafinës, transmeton gazeta Panorama.

      “My swag” një produksioni tjetër “Easycom”, që njëkohësisht është në konflikt me produksionin që ka ndihmuar këngëtaren Zeqiri prej vitesh. Kontrata që nënshkroi këngëtarja Zeqiri me produksionin M1, vlen deri në vitin 2015, por si duket kjo punë nuk i ka interesuar shumë menaxherit të Dafinës, por as edhe vetë këngëtares, e cila për momentin nuk ka në dorë asnjë kompetencë.

      “Edhe pse Dafina Zeqiri ka kontratë me BESFORT VIDEO M1, e cila vlen deri në vitin 2015, si duket menaxherit të saj nuk i ka interesuar, siç nuk i intereson as karriera e Dafina Zeqirit. Atij i intereson vetëm të përfitojë ndonjë lek nga fama e gatshme e Dafinës”,- thuhet më tej në kumtesën e lëshuar. Nëse ju kujtohet, ishte pikërisht Besfort Hasanaj ai që e bëri shumë të famshme Dafina Zeqirin me klikime në internet, si një nga këngëtaret më të kërkuara të momentit.

      Nga ajo që kemi mësuar, Besfortin me Dafinën nuk e lidh asgjë, madje këngëtarja nuk i ka paguar asnjë cent Besfortit për gjithë këtë promovim që ai i bënte në internet, por një miqësi që Besforti kishte me djalin e tezes së Dafinës, ka bërë që ky bashkëpunim të ecë suksesshëm deri para disa ditësh, kur edhe është prishur.

      Hasanaj është shumë i revoltuar me këtë veprim të këngëtares dhe stafit të saj, përfshirë këtu menaxherin Zatriqi dhe të dashurin Krenar Cocaj. Këta dy të fundit e kanë akuzuar Besfortin se është duke përfituar materialisht me reklama nga videot e Dafinës, gjë që është hedhur poshtë nga ai. Madje, Besforti ka larguar nga llogaria e tij në Youtube të gjitha videot e Dafina Zeqirit, siç veproi më herët edhe me videot e Vesa Lumës, e cila edhe pse kishte kontratë me të, e kishte tradhtuar duke iu bashkuar së njëjtës kompani që është bashkuar edhe Dafina së fundi.

      Suksesi i klipit “My swag” nuk ishte ai që priste stafi i këngëtares, pasi brenda një jave që nga publikimi, ka arritur 100 mijë klikime, gjë që nuk është e kënaqshme për Dafinën, e cila me klipin “Dangerously in love” që i publikoi Besforti, brenda një kohe rekord arriti 1 milion klikime.
    • Lexon se kush eshte Drin Zatriqi


      [IMG:http://i52.tinypic.com/2q99xsz.jpg]


      Prishtinë –

      Në këtë rrjet të policisë ka rënë “si peshk” edhe ai që kohët e fundit është i njohur nga mediat si menaxheri i këngëtares Dafina Zeqiri, Drin Zatriqi, i cili është edhe djali i ish-drejtorit të RTK-së, Agim Zatriqi. Kësaj rrjete nuk ka mundur t’i shpëtojë as djali i njërit prej politikanëve shqiptarë të Maqedonisë, Ilir Xhaferi. Djali i politikanit nga Tetova, Arbën Xhaferi, ka rënë në përgjime të policisë, duke porositur kokainë nga disa dilerë të rinj. Fat të njëjtë me këta VIP-a kanë pasur edhe Sejdi Behrami, Edin Spahija dhe Abedin Canolli.
      Zbulimi i tyre, duke blerë mall në paketime të vogla, me një çmim 50 euro, është bërë nga Policia e Kosovës, Njësia kundër narkotikëve. Në kohën kur ishin duke zbatuar masat e fshehta kundër një grupi të rinjve, ata i kanë identifikuar si përdorues droge.
      PORTALI SHQIPET.EU ka zbuluar këtë nga një aktakuzë e Prokurorisë së Prishtinës kundër Kushtrim Hazirit, i lindur më 1986 në Prishtinë, Agon Shehollit, i lindur në vitin 1987 në Prishtinë, Visar Cimilit, i lindur më 1988 në Vushtrri, Sead Humollit i lindur më 1988, në Lupç të Podujevës dhe Arsim Cimilit, i lindur më 1986 në Vushtrri. Ata akuzohen nga kjo prokurori se nga janari i vitit 2011 e deri më datën 8.5.2011 kanë shpërndarë, transportuar, poseduar, blerë, shitur e dërguar substanca të rrezikshme, duke vepruar si anëtarë të grupit.

      “Fillimisht, i akuzuari Kushtrim Haziri është furnizuar me sasi të ndryshme të narkotikut, të llojit kokainë, në Shqipëri e pastaj pasi e ka paketuar në qese të vogla e ua ka dhënë të akuzuarve Agon Sheholli, Sead Humolli dhe Visar Cimili, të cilët ua kanë shitur personave të ndryshëm në Prishtinë, si Drin Zatriqi, Osman Azemi, Sejdi Behrami, Edin Spahija, Abedin Canolli, Ilir Xhaferi etj., në qese me çmim prej 50 eurosh”, potencohet në aktakuzë.
      Në këtë dokument zyrtar thuhet se, në fund të muajit prill, një sasi të drogës e kanë vendosur në lokalin e Arsim Cimilit, i cili, gjithashtu, ka filluar me shpërndarjen e sasive sipas porosisë së të akuzuarve Kushtrim Haziri dhe Visar Cimili, mirëpo, pas një aksioni të rrufeshëm të policisë kosovare, ajo është zbuluar në lokalin e të akuzuarit Arsim Haziri, që përdorej për rregullimin e televizorëve, në lagjen Ulpiana. Në një dhomë të ndarë të këtij lokali, organet kosovare kanë gjetur 55 gram kokainë, të ndara në 95 qese të vogla.
      Prokuroria do t’i ftojë si dëshmitarë gjatë gjykimit Drin Zatriqin, Osman Azemin, Sejdi Behramin, Edin Spahinë, Abedin Canollin dhe Ilir Xhaferin, për çudi si dëshmitarë të dëmtuar.
      Gjatë ekzaminimit në polici, të akuzuarit kanë deklaruar se janë përdorues të drogës dhe jo dilerë. Por, Prokuroria i hedh poshtë këto pretendime. Prokuroria ka thënë se, sipas dëshmive të Drin Zatriqit, Osman Azemit, Sejdi Abedinit dhe Ilir Xhaferit, rezulton qartë se të gjithë kanë shitur narkotikë të llojit kokainë, dhe një qese të vogël me kokainë e kanë shitur në këmbim të 50 eurove.
      LajmeShqip po hulumton përfshirjen në kokainë edhe të disa këngëtarëve e këngëtareve kosovare. Burimet i kanë thënë portalit se ka edhe shumë të tjerë që përdorin kokainë. Ky lloj narkotiku është më i shtrenjti në treg. Në tregun e Shqipërisë, një kilogram kokainë varion nga 1 milion e 200 mijë euro deri në 1 milion e 400 mijë euro.