Si do të duket YouTube së shpejti?

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Si do të duket YouTube së shpejti?




      Edhe pse nuk vërehet kushedi sa, YouTube avancohet dhe përmirësohet tek-tuk me funksione të reja dhe ndryshime në interfejs. Por YouTube-istët megjithatë janë duke përgatitur edhe një upgrade paksa më të dukshëm, me lidhje më të ngushta me rrjetet sociale. Kështu në të ardhmen YouTube, sipas asaj që mund të shohim tash, do të orientohet më shumë nga shfrytëzuesi, gjegjësisht faqja e parë do të ngjasojë më shumë me profilet personale në rrjetet sociale, video materialet do të listohen si statuset apo postet në rrjetet sociale, ndërsa pranë secilit status/post qëndron edhe avatari i shfrytëzuesit. Bëhet fjalë këtu edhe për ridizajnim, kështu që YouTube do të jetë më i këndshëm për sy, ndërsa faqet e shfrytëzuesve, gjegjësisht kanalet e tyre, do të riorganizohen. Natyrisht, për të shfrytëzuar të gjitha të mirat e YouTube, duhet të regjistroheni dhe të logoheni.

      Si të keni edhe ju pamjen e re të YouTube? Fshehtësia është tek cookies. Cookie VISITOR_INFO1_LIVE duhet ndarë vlerën ST1Ti53r4fU. Si ta bëni këtë? Varet prej browserit të cilin e shfrytëzoni. Për Firefox dhe Chrome shkoni në adresën e YouTube dhe e hapni konzolën. Konzola në Firefox hapet/mbyllet me kombinimin e tasteve Ctrl+Shift+K, ndërsa në Chrome me Ctrl+Shift+J. Më pas në konzolë copy&paste këtë kod:

      document.cookie="VISITOR_INFO1_LIVE=ST1Ti53r4fU; expires=1 Jan 2020 12:00:00 UTC";

      Pastaj shtypni Enter dhe e bëni refresh faqen (F5 ose Reload). Në rast se nuk shihni ndryshime, provoni të çlogoheni dhe të logoheni përsëri në YouTube dhe të përsërisni procedurën e mësipërme. Nëse edhe më tej nuk vëreni dallime, fshini cookies – të paktën ato që kanë lidhje me YouTube.

      Kjo madje funksionon edhe në Internet Explorer, të paktën në versionin 8, në të cilin e kemi provuar vetë. Edhe këtu duhet shkuar në faqen e YouTube, pastaj të shtypni tastin F12 për të hapur dritaren Developer Tools, pastaj kaloni tek Scripts dhe në anën e djathtë zgjidhni Console. Tutje duhet vetëm që në fund të dritares ta bëni paste kodin e sipërshënuar, pastaj klikoni në Run Scripts, mbyllni dritaren e Developer Tools dhe hapeni përsëri faqen e YouTube përmes freskimit me F5 ose Reload.

      Në Opera situata është pak më ndryshe – duket se ky browser nuk pranon shfrytëzimin e JavaScript nga konzola për të ndryshuar cookies. Prandaj duhet të shkoni në YouTube të klikoni me tastin e djathtë të miut në hapësirë të zbrazët në faqe – të zgjidhni Edit Site Preferences deh tek Cookies të gjeni VISITOR_INFO1_LIVE. Klikoni dy herë në të dhe vlerën (Value) e ndërroni në ST1Ti53r4fU. Kontrolloni se deri kur vlen cookie në fushën Expires – mundeni për çdo rast të shënoni 2012 ose ndonjë vit tjetër. Mbyllni të gjitha dritaret duke klikuar OK dhe freskojeni faqet e YouTube.

      Nëse jeni ngopur me eksperimentin e YouTube, mund të ktheheni tek forma e vjetër ashtu që fshini cookien konkret apo të gjitha cookiet.

      Kini parasysh që ky është version testues i fshehtë i pamjes së ardhshme të YouTube, kështu që mund të ndodhë që derisa ju ta provoni ndonjë opsion ose ka ndryshuar, ose është eliminuar fare nga dizajni i ri i YouTube.