Shpejtë duhet vetëm të ecim, të tjerat ngadalë

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Shpejtë duhet vetëm të ecim, të tjerat ngadalë

      Ngrënia shumë e shpejtë “është fajtore” për trashjen, fryrjen dhe tretjen e keqe, frymëmarrja shumë e shpejtë zvogëlon furnizimin e trupit me oksigjen, ndërsa dehja shumë e shpejtë shkakton helmimin me etanol.

      Femrat që hanë shumë shpejt kanë dyfish shanse më të mëdha për të qenë të trasha, zbulon studimi i Universitetit të Zelandës së Re. Meshkujt që hanë shpejt kanë 84 për qind rrezik më të madh nga trashja, ka vërtetuar studimi i Universiteti Osaka në 1000 meshkuj. Ngrënia e shpejtë “anulon” metabolizmin dhe qendrën në tru e cila njofton trupin që është ngopur, ndërsa nervat i dërgojnë trurit sinjale që stomaku po zgjerohet dhe ka nevojë për më shumë ushqim. Njëkohësisht, hormoni gremlin, i cili prodhohet në bark derisa jemi të uritur i dërgon mesazhin trurit që jemi ngopur vetëm rreth 20 minuta pasi që kemi filluar të hamë, shpjegojnë shkencëtarët.

      “Shumica e njerëzve shprehinë e ngrënies së shpejtë e kanë marrë në fëmijëri dhe e bartin në moshën e rritur”, ka shpjeguar Ian Mcdonald, profesor i fiziologjisë në Universitetin Nottingham.

      “Mbushja” me ushqim po ashtu rrit rrezikun nga refluksi i stomakut, kanë zbuluar shkencëtarët e Universitetit të Karolinës Jugore. Ai më së shpeshti shfaqet tek ata të cilët shujtën mesatare e hanë në pesë minuta, derisa të tjerët kanë nevojë rreth gjysmë ore për këtë gjë. Deri te kjo vjen sepse trakti tretës është për së tepërmi i ngarkuar me ushqim, për ç’arsye sekretohet sasi e madhe e acidit të stomakut. Atyre që hanë shpejt mjekët u rekomandojnë që disa herë gjatë kohës së ngrënies të ngrihen, për të kontrolluar nëse janë të ngopur.



      Frymëmarrja shumë e shpejtë

      Një person i rritur i shëndetshëm në minutë merr frymë thellë prej 10 deri 14 herë, por disa njerëz edhe mbi 20 herë në minutë. Frymëmarrja shumë e shpejtë dhe e shkurtër mund të prodhojë ndjenjën e mungesës së ajrit, therje nëpër trup, rrahje ë shpejtuar të zemrës, lodhje dhe koncentrim të keq, thonë shkencëtarët.

      Këto simptoma janë të shpeshta dhe shenjë që marrim frymë përmes gojës në vend që më thellë të marrim frymë përmes hundës. Kjo rezulton me rritjen e nivelit të dyoksid karbonit në gjak, për ç’arsye nuk vjen oksigjen i mjaftueshëm deri tek organet dhe muskujt.

      “Frymëmarrja e shpejtë është shprehi e keqe shpesh e lidhur me situatat stresuese, dhimbjen në shpinë ose qafë, traumën emocionale ose operimin”, thekson Stephen Spiro, profesor në Universitetin e Londrës.

      Por frymëmarrja e shpejtë mund të fshehë edhe disa sëmundje serioze, si inflamacionin e mushkërive dhe sëmundje të tjera, ndërsa nëse ndieni ngacmim në kollitje, fishkëllimë në mushkëri dhe merrni frymë më shumë se 20 herë në minutë, lajmërohuni te mjeku.



      Dehja shumë e shpejtë

      Nëse alkooli pihet shpejt trupi nuk mund ta përpunojë, dhe atyre që pinë më shpejt u bie të fikët më shpesh, kanë vrima në kujtesë dhe dehen më fortë. Çdokush e përballon alkoolin në mënyrë të ndryshme, që varet edhe nga pesha dhe gjinia, si dhe shprehia e pirjes, por rregull është që mëlçia mund të përpunojë vetëm një njësi të alkoolit për një orë.

      Para alkoolit duheni të hani të paktën një shujtë të vogël, që etanoli të ketë për çka të lidhet, ndërsa sipas mundësisë të pini pa u dehur, këshillojnë shkencëtarët.



      Ecja e shpejtë

      Shpejtësia me të cilën ecim është tregues i mirë se sa gjatë do të jetojmë, ka treguar studimi amerikan në 34.000 njerëz, kështu që njerëzit që ecin më shpejt kanë shanse të jetojnë më gjatë sesa ata që ecin më ngadalë. Por kjo nuk do të thotë që nëse filloni të ecni shpejt tani – do të jetoni më gjatë, sepse bëhet fjalë për ritmin e ecjes që e keni natyral.

      “Ecja është aktiviteti i vetëm njerëzor të cilin duhet ta bëjmë shpejt për të qëndruar të shëndetshëm” – ka përfunduar profesori John Brewer nga Universiteti Bedfordshire.