Medet për ne ?!

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Medet për ne ?!


      [IMG:http://i44.tinypic.com/xo136p.jpg]

      Gjatë operimit në QKU, pacientes Feradije Rexhepi mjekët ia harruan një fashë të madhe në bark. Të afërmit pretendojnë se kjo pakujdesi e mjekëve e çoi atë në prag të vdekjes. Për këtë, paralajmërojnë padi. E, mjekja që e kreu operacionin mohon akuzat e Familjes Rexhepi. Edhe ajo, flet për padi.

      Një fashë e madhësisë së peshqirit, që dyshohet se është harruar në barkun e saj gjatë operimit në Klinikën e Kirurgjisë në Qendrën Klinike Universitare në Prishtinë, e ka çuar në prag të vdekjes, shkruan gazeta “Express”.

      Kështu i ka ndodhur para dy muajsh, pacientes Feradije Rexhepi nga Prishtina. Ajo është operuar dy herë në këtë klinikë të QKUK-së, pasi ishte diagnostifikuar me kancer në mitër.

      Fillimisht Feradija (1968) ishte operuar nga disa mjekë gjermanë, të cilët kishin ardhur në QKUK. Në atë rast, familjarët thonë se operimi kishte pasur sukses.

      Por gjendja shëndetësore e saj, sipas tyre, nisi të përkeqësohej vetëm disa ditë më vonë.

      Për këtë arsye, ata thonë se të afërmen e kanë çuar sërish në këtë qendër.

      Mjekët në Kirurgjinë Abdominale, e kishin pranuar atë si rast urgjent, duke e futur menjëherë në sallë për ta operuar.

      Gjithçka dukej se kishte shkuar mirë, së paku sipas mjekëve. Ata që e kishin operuar Feradijen, dhe krenohen se asaj i kanë shpëtuar jetën, meqë gjendjen shëndetësore e kishte shumë të rëndë.

      Por pikërisht në këtë pikë, në vend se telashet të pakësoheshin, familjarët pretendojnë se ato kanë nisur të marrin drejtim gati edhe më të tragjik.

      Këtu ka nisur edhe përplasja ndërmjet mjekëve dhe familjarëve.

      Të afërmit e pacientes thonë për Express se mjekët që e kishin operuar atë, i kishin harruar një fashë të madhe brenda në bark.

      Ata pretendojnë se kjo ka bërë që gjendja shëndetësore e familjares së tyre të jetë edhe më tej shumë e rëndë. Feradija është dashur të operohet për herë të tretë. Por, kësaj radhe në Shkup të Maqedonisë.

      Kirurgu që fajësohet nga familjarët është mjekja P.A. Ajo ka hedhur poshtë të gjitha akuzat që familja Rexhepi ia bën asaj.

      P.A. thotë se pacientes nuk i harruar fasha, veprim që në gjuhën mjekësore ajo e përshkruan si “kompresë të butë për izolimin e zorrëve”.


      Gjithë ç'jemi Shqipëtarë,
      Jemi një fis e një farë,
      Kemi të tërë një shpresë,
      Një gjak, një gjuhë, një Besë.