Çka ofron Samsung Galaxy S4

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Çka ofron Samsung Galaxy S4

      [IMG:http://i49.tinypic.com/2iatnxv.jpg]

      Siç dihet tashmë, Samsungu më 14 mars ka prezantuar në New York smartphonin i cili sipas paralajmërimeve, do të jetë lider i sivjetshëm në ofertën e kësaj kompanie – Galaxy S4. Një prej Android pajisjeve më të shumëpritura nuk lë ndonjë efekt “wow” kushedi çfarë, sepse shumë gjëra kishin rrjedhur qysh më herët në opionion, ndërsa nuk ka as risi teknologjike kushedi sa të rëndësishme.

      Siç dihet tashmë, bëhet fjalë për aparatin 5-inçëësh me Super AMOLED ekran Full HD dhe dendësi të pixelëve prej 441 ppi. Nën të gjendet procesori Exynos 5 Octa i Samsungut, i cili është tetëbërthamësh me katër bërthama Cortex A15 me 1,8 GHz dhe katër bërthama Cortex A7 në 1,2 GHz, si dhe procesori grafik (GPU) PowerVR SGX 544MP3.

      Galaxy S4 do të jetë në disponim për rrjetet 3G dhe 4G LTE anembanë botës, ndërsa ka edhe Wi-Fi, Bluetooth 4.0, si dhe kamerat me senzorë prej 13 megapixelësh sa ka e pasmja dhe 2 megapixelë e përparmja për video biseda. Do të liferohet me ngjyrë të zezë dhe të bardhë, por në tri versione me 16/32/64 GB të memories interne. Natyrisht, nuk është lënë anash as slloti microSD, ndërsa bateria me kapacitet prej 2600 mAh do të mund të ndërrohet.

      Në shtëpizën me trashësi 7.9 milimetra dhe peshë 130 gramë përveç senzorëve standardë Samsungu ka integruar edhe senzorët e rinj, për matjen e temperaturës dhe lagështisë së ajrit, si dhe LED senzorin infra të kuq.

      Por, atë që e potencon më së shumti Samsungu tek ky smartphone që quhet “Life Companion”, janë ndryshimet që sjell softveri. Bashkë me Android 4.2.2 Jelly Bean, Samsung ka përgatitur edhe një varg mundësish të veta. Para së gjithash këtu mendohet tek Dual Camera, mundësia e incizimit me të dy kamerat në të njëjtën kohë, që rezulton me krijimin e videos në stilin “picture-in-picture”. Pastaj opcioni Sound and Shot për incizim të zërit i cili do të ngjitet për fotografi, si dhe Dream Shot për kapjen e 100 fotografive për vetëm katër sekonda, ku më pas mund të përcaktoheni se cilat fotografi dëshironi t’i ruani, etj

      Tutje vijnë Air Gesture në formë të opcioneve Smart Pause dhe Smart Scroll që mundësojnë shfletimin e faqeve pa prekje të ekranit apo pauzim të videos kur e largoni shikimin nga telefoni, që është përparësi kur, ta zëmë, i keni duart e lagura ose të përlyera.

      Një tjetër gjë me rëndësi është funksioni S Translator që mundëson përkthime “live” për text-to-speech dhe speech-to-text në 9 gjuhë botërore, ndërsa për modin offline vjen me 3000 fjali të paradefinuara të dobishme të cilat mund të shfrytëzohen në aplikacionet për mail dhe messaging.

      Galaxy S4 do të jetë në disponim prej muajit të ardhshëm kurse çmimet nuk dihen ende, edhe pse thuhet që nuk do të lëvizin shumë nga harku i çmimeve të paraardhësit.