Rita po vjen..., edhe Adnani

    Diese Seite verwendet Cookies. Durch die Nutzung unserer Seite erklären Sie sich damit einverstanden, dass wir Cookies setzen. Weitere Informationen

    Përkthyes

    Radio Projekt 21

    Ndegjo me Internet Explorer

    Ndegjo me Firefox

    Forumsstruktur

    Team

    • Rita po vjen..., edhe Adnani






      Secili pasim i Adnan Januzit është lajm për The Guardian. Secili fund që vesh Rita Ora është sensacion për Daily Mail. Për herë të parë shqiptarët po dalin si kryelajm, jo për vjedhje e plaçkitje, por për stil, shije, e talent.



      Ndoshta pas Nënës Tereze – na falni ju të Partisë së Drejtësisë – Rita Ora dhe Adnan Januzi janë dy ikonat më të famshme që nënat shqiptare i kanë lindur në këto mijëra vjet lindje.


      Ka edhe të tjerë të rinj që janë duke depërtuar gradualisht nëpër faqet e gazetave e portaleve – nëse sot nuk je në media ti nuk ekziston! – por askush aq shumë sikur Rita dhe Adnani.

      Tabloidët britanik – ndoshta pas Kim Kardashian – figurën më të adhuruar të tyre për ta vënë në ballinë të gazetave e kanë Ritën tonë.


      Atë e gjen në The Sun, në Mirror, kurse Daily Mail shkrihet pas saj. Çkado që vesh Rita është interesant për gazetat britanike, e botërore. Çkado që thotë Rita është interesant për ata redaktor.


      Falë Zotit, e ndoshta edhe edukatës familjare, Rita edhe më tutje nuk na ka befasuar për të keq. Ajo edhe më tutje nuk na ka befasuar me kryelajme për konsum të drogës, apo dehje ekstreme.

      Nëse fundi i saj është pak më i gjatë apo pak më i shkurtë, dhe nëse këmbët e saja janë aq të bukura sa fokusi i kamerës të merret vec me to, kjo është një gjë që do të duhej të na bënte që të na rrah zemra më shpejt. Ndërsa, Ritës javëve të fundit i është shtuar nëpër gazeta edhe një shqiptar tjetër, Adnani.


      Adnanin e sheh në BBC, e sheh në Telegraf, në Guardian. Kudo. Rrezik që britanikët ta takojnë Adnanin – jo babën e tij – edhe kur e hapin frigoriferin.


      Për Adnanin, edhe më tutje nuk ka folur Mbretëresha, sepse nuk mbeti tjetër kush pa e thënë ndonjë fjalë të mirë për të. Sir Alex Fergusson, po se po. Madje edhe Jose Mourniho – që rrallë për kënd e thotë ndonjë fjalë të mirë ky idhnak – e coi në qiell Adnanin.


      Kurse për të mirë na befasoi edhe Nemanja , që nuk u kurse prej fjalëve të mira për të. Njëjtë sikur tek Rita, as Adnani deri më sot nuk na ka bërë të skuqemi. Në sjellje notën e ka pesë me ylli. Sigurisht që kjo gjenerata e shqiptarëve të rinj nuk përfundon vec me këto dy yje, këto janë yjet që po shndrisin më fortë se sa të tjerët.


      Përndryshe pas Ritës dhe Adnanit po vijnë edhe një armatë e madhe e shqiptarëve të suksseshëm. Ishte momenti i fundit që shqiptarët të përfliteshin nëpër media – jo vec për prostitucion e hajni – por edhe për këso rezultate kulmore. Ne jemi krenar me ju. Keep it up